ਕੁਰਾਲੀ ਵਿੱਚ ਪੰਜ ਦਿਵਸੀ ਭਗਵਾਨ ਸ਼ਿਵ ਕਥਾ ਤੋਂ ਪਹਿਲਾਂ ਭਾਵਨਾਤਮਕ ਸੰਧਿਆ ਫੇਰੀ

ਕੁਰਾਲੀ 17 ਫਰਵਰੀ (ਪੁਸ਼ਪਿੰਦਰ ਸਿੰਘ )ਜਯੋਤੀ ਜਾਗ੍ਰਤੀ ਸੰਸਥਾਨ, ਚੰਡੀਗੜ੍ਹ ਵੱਲੋਂ 18 ਤੋਂ 22 ਫਰਵਰੀ 2026 ਤੱਕ ਸ਼੍ਰੀ ਦੁਰਗਾ ਸ਼ਿਵ ਸ਼ਕਤੀ ਮੰਦਰ ਧਰਮਸ਼ਾਲਾ, ਕੁਰਾਲੀ ਵਿੱਚ ਪੰਜ ਦਿਨਾਂ ਦੀ ਭਗਵਾਨ ਸ਼ਿਵ ਕਥਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਹ ਕਥਾ ਹਰ ਰੋਜ਼ ਸ਼ਾਮ 4 ਵਜੇ ਤੋਂ 6:30 ਵਜੇ ਤੱਕ ਹੋਵੇਗੀ। ਇਸ ਉਪਲੱਖ ਵਿੱਚ ਸ਼ਹਿਰ ਵਾਸੀਆਂ ਨੂੰ ਕਥਾ ਦਾ ਨਿਯੌਤਾ ਦੇਣ ਲਈ ਸੋਮਵਾਰ ਨੂੰ ਕੁਰਾਲੀ ਸ਼ਹਿਰ ਵਿੱਚ ਇਕ ਪਾਵਨ ਸੰਧਿਆ ਫੇਰੀ ਕੱਢੀ ਗਈ।

ਸੰਧਿਆ ਫੇਰੀ ਦੀ ਸ਼ੁਰੂਆਤ ਸ਼੍ਰੀ ਦੁਰਗਾ ਸ਼ਿਵ ਸ਼ਕਤੀ ਮੰਦਰ ਤੋਂ ਰਾਣਾ ਭਾਨੁ ਪ੍ਰਤਾਪ (ਸਟੇਟ ਸੈਕਰਟਰੀ, ਭਾਰਤੀ ਜਨਤਾ ਪਾਰਟੀ ਪੰਜਾਬ) ਵੱਲੋਂ ਪ੍ਰਭੂ ਦੇ ਪਾਵਨ ਪੂਜਨ ਅਤੇ ਨਾਰੀਅਲ ਨੂੰ ਤੋੜ ਕੇ ਕੀਤੀ ਗਈ। ਇਸ ਵਿੱਚ ਮਹਿਲਾ ਸੰਕੀਰਤਨ ਮੰਡਲ ਕੁਰਾਲੀ ਤੋਂ ਪੂਜਾ ਬੰਸਲ, ਸ਼ਸ਼ੀ ਬਾਲਾ, ਸਵੀਟੀ, ਉਰਮਿਲਾ ਅਤੇ ਰੇਣੂ ਸ਼ਾਮਲ ਹੋਏ। ਨਾਲ ਹੀ ਸ਼੍ਰੀ ਸੰਜੀਵ (ਟੋਨੀ), ਪ੍ਰਧਾਨ ਸ਼੍ਰੀ ਦੁਰਗਾ ਸ਼ਿਵ ਸ਼ਕਤੀ ਮੰਦਰ ਧਰਮਸ਼ਾਲਾ ਨੇ ਵੀ ਪ੍ਰਭੂ ਨੂੰ ਮਾਲਾ ਅਰਪਣ ਕਰਕੇ ਪੂਜਾ ਕੀਤੀ।

ਸੰਧਿਆ ਫੇਰੀ ਦੌਰਾਨ ਭਗਤਾਂ ਨੇ ਭਗਵਾਨ ਸ਼ਿਵ ਦੀ ਮਹਿਮਾ ਦਾ ਗੁਣਗਾਨ ਕਰਦਿਆਂ ਪੂਰੇ ਵਾਤਾਵਰਨ ਨੂੰ ਭਕਤੀਮਈ ਬਣਾ ਦਿੱਤਾ। ਮਿੱਠੇ ਭਜਨਾਂ ਅਤੇ ਜੈਕਾਰਿਆਂ ਨਾਲ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਕਥਾ ਦਾ ਨਿਯੌਤਾ ਦਿੱਤਾ ਗਿਆ। ਮਹਿਲਾ ਸੰਕੀਰਤਨ ਮੰਡਲੀ ਦੇ ਮੈਂਬਰਾਂ ਨੇ ਵੀ ਭਜਨਾਂ ਰਾਹੀਂ ਆਪਣੀ ਸ਼ਰਧਾ ਅਰਪਿਤ ਕੀਤੀ।

ਇਸ ਮੌਕੇ ਸੰਸਥਾਨ ਦੇ ਸੰਸਥਾਪਕ ਅਤੇ ਸੰਚਾਲਕ ਸ਼੍ਰੀ ਆਸ਼ੁਤੋਸ਼ ਮਹਾਰਾਜ ਜੀ ਦੀ ਸ਼ਿਸ਼ਿਆ ਸਾਧਵੀ ਮੈਥਿਲੀ ਭਾਰਤੀ ਨੇ ਦੱਸਿਆ ਕਿ ਪੰਜ ਦਿਨਾਂ ਭਗਵਾਨ ਸ਼ਿਵ ਕਥਾ ਲਈ ਕਥਾ ਵਿਆਸ ਸਾਧਵੀ ਸੰਯੋਗਿਤਾ ਭਾਰਤੀ ਜੀ ਆਪਣੀ ਸੰਤ ਮੰਡਲੀ ਸਮੇਤ ਆਉਣਗੇ। ਉਹ ਕਥਾ ਦੇ ਮਾਧਿਅਮ ਨਾਲ ਭਗਵਾਨ ਸ਼ਿਵ ਦੀਆਂ ਦਿਵਯ ਲੀਲਾਵਾਂ ਵਿੱਚ ਨਿਹਿਤ ਆਧਿਆਤਮਿਕ ਰਹੱਸਾਂ ਦਾ ਵਿਸਤ੍ਰਿਤ ਵਰਣਨ ਕਰਨਗੇ। ਸਾਧਵੀ ਜੀ ਨੇ ਕਿਹਾ ਕਿ ਮੌਜੂਦਾ ਸਮੇਂ ਵਿੱਚ ਅਜਿਹੇ ਆਧਿਆਤਮਿਕ ਕਾਰਜਕ੍ਰਮਾਂ ਦੀ ਬਹੁਤ ਲੋੜ ਹੈ, ਤਾਂ ਜੋ ਮਨੁੱਖ ਦਾ ਚੰਚਲ ਮਨ ਪ੍ਰਭੂ ਵਿੱਚ ਸਥਿਰ ਹੋ ਸਕੇ। ਜੀਵਨ ਵਿੱਚ ਸੁਖ ਅਤੇ ਦੁੱਖ ਮਨ ਦੀ ਅਵਸਥਾ ’ਤੇ ਨਿਰਭਰ ਕਰਦਾ ਹੈ। ਜੇ ਮਨ ਸੰਤੁਲਿਤ ਹੋਵੇ, ਤਾਂ ਜੀਵਨ ਦੀ ਦਿਸ਼ਾ ਵੀ ਸਕਾਰਾਤਮਕ ਬਣਦੀ ਹੈ। ਇਸ ਲਈ ਮਨ ਨੂੰ ਪ੍ਰਭੂ ਨਾਲ ਜੋੜਨ ਲਈ ਅਜਿਹੇ ਧਾਰਮਿਕ ਆਯੋਜਨ ਬਹੁਤ ਜ਼ਰੂਰੀ ਹਨ।

ਇਲਾਕੇ ਦੇ ਵਾਸੀਆਂ ਨੇ ਕੀਰਤਨ ਕਰ ਰਹੇ ਭਗਤਾਂ ਦਾ ਸਵਾਗਤ ਕਰਦਿਆਂ ਵੱਧ-ਚੜ੍ਹ ਕੇ ਸੰਧਿਆ ਫੇਰੀ ਵਿੱਚ ਆਪਣੀ ਭਾਗੀਦਾਰੀ ਨਿਭਾਈ। ਕੁਰਾਲੀ ਨਦੀਪਾਰ ਮੰਦਰ ਤੋਂ ਪੂਨਮ, ਪ੍ਰੇਮ ਅਤੇ ਪ੍ਰਵੀਣ ਅਤੇ ਸਨਾਤਨ ਧਰਮ ਮੰਦਰ, ਕ੍ਰਿਸ਼ਨਾ ਮੰਡੀ ਤੋਂ ਕਾਂਤਾ, ਅਸ਼ੋਕ ਫਰਨੀਚਰ ਕੁਰਾਲੀ, ਵਿੱਕੀ ਕਾਇਟਸ ਸ਼ਾਪ ਕੁਰਾਲੀ, ਮਾਤੂ ਹਲਵਾਈ ਕੁਰਾਲੀ, ਕਾਂਟਾ ਕਨਫੈਕਸ਼ਨਰੀ ਕੁਰਾਲੀ ਅਤੇ ਰੁਹਾਨੀ ਕਲੇਕਸ਼ਨ ਕੁਰਾਲੀ ਨੇ ਪਰਿਵਾਰ ਸਮੇਤ ਸੰਧਿਆ ਫੇਰੀ ਦਾ ਸਵਾਗਤ ਕੀਤਾ। ਸੰਧਿਆ ਫੇਰੀ ਦਾ ਸਮਾਪਨ ਭਗਵਾਨ ਸ਼ਿਵ ਦੀ ਆਰਤੀ ਅਤੇ ਪੂਜਨ ਨਾਲ ਹੋਇਆ। ਇਸ ਤੋਂ ਬਾਅਦ ਸਾਰੇ ਸ਼ਰਧਾਲੂਆਂ ਨੇ ਪ੍ਰਸਾਦ ਗ੍ਰਹਿਣ ਕਰਕੇ ਪ੍ਰਭੂ ਦਾ ਆਸ਼ੀਰਵਾਦ ਪ੍ਰਾਪਤ ਕੀਤਾ।